爆蒜蒸姬松茸

半價$9入手，雖然平價得到妳，但我都會用心咁對你😘。。。。。。。。抹得太累，冇心情擺靚黎蒸。😅

兩種作法：

煮法1）姬松茸先用焗爐120度格層焗16分鐘，焗完留起焗出水精華。蒜頭切粒，先放橄欖油，麻油，花生油各一湯匙，細火將蒜粒爆香，再加醬油及頭抽一湯匙，豪油半湯匙沙糖少許，之前焗出水精華，細火煮滾到起泡，之後關火倒到姬松度再蒸約五分鐘，完成。

煮法2）蒜頭切粒，先放花生油三湯匙，細火將蒜粒爆香，再加頭抽三湯匙，沙糖少許，細火煮滾到起泡，之後關火倒到姬松度再蒸約八分鐘，完成。